News Aggregation Website In Malayalam News From Different Online Sources

Ads

Breaking

Post Top Ad

Your Ad Spot

Feb 15, 2020

രാജ്യത്ത് കൊറോണ വൈറസ് നിയന്ത്രണവിധേയമെന്ന് കേന്ദ്ര ആരോഗ്യ മന്ത്രാലയം

featured image

ന്യൂഡല്‍ഹി: ഇന്ത്യയില്‍ കൊറോണ വൈറസ് നിയന്ത്രണ വിധേയമായതായി കേന്ദ്ര ആരോഗ്യ മന്ത്രാലയം. കേന്ദ്ര മന്ത്രാലയ സെക്രട്ടറിയാണ് ഇക്കാര്യം പ്രഖ്യാപിച്ചത്. വിവിധ സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും ആരോഗ്യ വകുപ്പ് സെക്രട്ടറിമാരുമായി നടത്തിയ വീഡിയോ കോണ്‍ഫറണ്‍സിന് ശേഷമാണ് കേന്ദ്ര ആരോഗ്യ മന്ത്രാലയ സെക്രട്ടറി ഇക്കാര്യം വ്യക്തമക്കിയത്.

കേന്ദ്ര ആരോഗ്യ സെക്രട്ടറി പ്രീതി സുദന്റെ അധ്യക്ഷതയില്‍ ചേര്‍ന്ന യോഗത്തില്‍ ഷിപ്പിംഗ്, വിദേശകാര്യം, സിവില്‍ ഏവിയേഷന്‍, ടൂറിസം വകുപ്പുകളില്‍ നിന്നുള്ള ഉന്നതോദ്യോഗസ്ഥരും പങ്കെടുത്തു. രാജ്യത്ത് കൊറോണ വൈറസ് നിയന്ത്രണവിധേയമാണ്. പ്രധാനമന്ത്രിയുടെ ഓഫീസും കേന്ദ്ര ആരോഗ്യ മന്ത്രിയും ക്യാബിനറ്റ് സെക്രട്ടറിയും സ്ഥിതിഗതികള്‍ നിരീക്ഷിച്ചുവരികയാണെന്നും ആരോഗ്യ സെക്രട്ടറി പറഞ്ഞു.

കേരളത്തില്‍ സ്ഥിരീകരിച്ച മൂന്ന് കേസുകളാണ് രാജ്യത്ത് ആകെ റിപ്പോര്‍ട്ട് ചെയ്യപ്പെട്ടിട്ടുള്ളത്. വുഹാന്‍ സര്‍വകലാശാലയിലെ മലയാളി വിദ്യാര്‍ത്ഥികളാണ് ഇവര്‍. ഇവരില്‍ ഒരാള്‍ രോഗം ഭേദമായി ഡിസ്ചാര്‍ജ് ആയി. മറ്റ് രണ്ട് പേരും നിരീക്ഷണത്തില്‍ തുടരുന്നുണ്ടെങ്കിലും രോഗാവസ്ഥ നിയന്ത്രണവിധേയമായിട്ടുണ്ട്.

നിപ്പയ്ക്ക് പിന്നാലെ കൊറോണ വൈറസിനെ കേരളം നേരിട്ടതിനെക്കുറിച്ച് മാധ്യമപ്രവര്‍ത്തകര്‍ ചൂണ്ടിക്കാട്ടിയപ്പോള്‍ കേരളം അഭിമാനമാണ് എന്നായിരുന്നു ആരോഗ്യവകുപ്പ് സെക്രട്ടറിയുടെ പ്രതികരണം. കേരളത്തെക്കുറിച്ച് കേന്ദ്ര ആരോഗ്യ മന്ത്രി പ്രതികരിക്കാതിരുന്നതിനെക്കുറിച്ച് മാധ്യമപ്രവര്‍ത്തകര്‍ ചൂണ്ടിക്കാട്ടിയപ്പോഴായിരുന്നു വകുപ്പ് സെക്രട്ടറിയുടെ പ്രതികരണം. ഇതിന് ശേഷം പുറത്തിറക്കിയ മന്ത്രിയുടെ പത്രക്കുറിപ്പില്‍ കേരളത്തെ പേരെടുത്ത് പറഞ്ഞ് അഭിനന്ദിക്കുകയും ചെയ്തു.

Ads by Google

No comments:

Post a Comment

Post Top Ad

Your Ad Spot

Pages