News Aggregation Website In Malayalam News From Different Online Sources

Ads

Breaking

Post Top Ad

Your Ad Spot

Feb 22, 2019

മിന്നല്‍ ഹര്‍ത്താലില്‍ സംസ്ഥാനത്തുണ്ടായ നാശനഷ്ടം ഡീന്‍ കുര്യാക്കോസില്‍ നിന്നും ഈടാക്കണമെന്ന് ഹൈക്കോടതി

featured image

കൊച്ചി : പെരിയ ഇരട്ടക്കൊലപാതകത്തില്‍ യൂത്ത് കോണ്‍ഗ്രസ് പ്രഖ്യാപിച്ച മിന്നല്‍ ഹര്‍ത്താലില്‍ സംസ്ഥാനത്തുണ്ടായ നാശനഷ്ടം യൂത്ത് കോണ്‍ഗ്രസ് സംസ്ഥാന അധ്യക്ഷന്‍ ഡീന്‍ കുര്യാക്കോസില്‍ നിന്നും ഈടാക്കണമെന്ന് ഹൈക്കോടതി. ഹര്‍ത്താലില്‍ കാസര്‍കോട് ജില്ലയില്‍ ഉണ്ടായ നഷ്ടങ്ങള്‍ ഹര്‍ത്താല്‍ പ്രഖ്യാപിച്ച യുഡിഎഫ് കാസര്‍കോട് ജില്ലാ ചെയര്‍മാന്‍ എം സി കമറുദ്ദീന്‍, കണ്‍വീനര്‍ എ ഗോവിന്ദന്‍ നായര്‍ എന്നിവരില്‍ നിന്നും ഈടാക്കണമെന്നും കോടതി നിര്‍ദേശിച്ചു.

ഹര്‍ത്താലുമായി ബന്ധപ്പെട്ട എല്ലാ കേസുകളിലും ഡീന്‍ കുര്യാക്കോസിനെ പ്രതിയാക്കണം. ഡീനിനെതിരെ പ്രേരണകുറ്റം ചുമത്തണമെന്നും കോടതി നിര്‍ദേശിച്ചു. മറ്റ് രണ്ട് യുഡിഎഫ് ഭാരവാഹികളെയും ജില്ലയിലെ ഹര്‍ത്താല്‍ അക്രമങ്ങളില്‍ പ്രതിയാക്കാനും കോടതി നിര്‍ദേശിച്ചു. നാശനഷ്ടങ്ങള്‍ ഇവരില്‍ നിന്നും ഈടാക്കാനുള്ള നടപടികള്‍ സ്വീകരിക്കാനും കോടതി നിര്‍ദേശിച്ചു.

മിന്നല്‍ ഹര്‍ത്താലില്‍ കോടതി സ്വമേധയാ കോടതിയലക്ഷ്യത്തിന് കേസെടുക്കുകയായിരുന്നു. തുടര്‍ന്ന് കേസ് പരിഗണിച്ച് ഇന്ന് ഡീന്‍ കുര്യാക്കോസ് അടക്കമുള്ളവര്‍ കോടതിയില്‍ നേരിട്ട് ഹാജരായി. അപ്പഴായിരുന്നു ഡീനിനെതിരെ കോടതി രൂക്ഷവിമര്‍ശനം ഉന്നയിച്ചത്. മിന്നല്‍ ഹര്‍ത്താല്‍ നിരോധിച്ചത് താങ്കള്‍ക്ക് അറിയില്ലേയെന്ന് കോടതി ഡീനിനോട് ചോദിച്ചു.

എന്നാല്‍ മിന്നല്‍ ഹര്‍ത്താല്‍ നിരോധിച്ചത് ഡീനിന് അറിയില്ലെന്ന് കോടതിയില്‍ ഹാജരായ മുന്‍ അഡ്വക്കേറ്റ് ജനറല്‍ കെ പി ദണ്ഡപാണി അറിയിച്ചു. അപ്പോള്‍ ഡീനിന് നിയമം അറിയില്ലേയെന്ന് കോടതി ചോദിച്ചു. നിയമ ബിരുദം എടുത്തിട്ടുണ്ടെങ്കിലും ഡീന്‍ പ്രാക്ടീസ് ചെയ്യുന്നില്ലെന്ന് ദണ്ഡപാണി അറിയിക്കുകയായിരുന്നു.

ഇതിനിടെ തങ്ങളുടെ നിലപാട് വിശദീകരിക്കാന്‍ കൂടുതല്‍ സമയം വേണമെന്ന് മറ്റ് രണ്ട് പേരും അറിയിച്ചു. തുടര്‍ന്ന് മാര്‍ച്ച് അഞ്ചിനകം എതിര്‍ സത്യവാങ്മൂലം സമര്‍പ്പിക്കാന്‍ എതിര്‍കക്ഷികളോട് കോടതി ആവശ്യപ്പെട്ടു. കേസ് മാര്‍ച്ച് ആറിന് പരിഗണിക്കുമെന്ന് ഹൈക്കോടതി അറിയിച്ചു. അന്ന് നേരിട്ട് കോടതിയില്‍ ഹാജരാകണമെന്നും മൂന്നുപേരോടും കോടതി നിര്‍ദേശിച്ചിട്ടുണ്ട്.

No comments:

Post a Comment

Post Top Ad

Your Ad Spot

Pages